მთავარი »

---

.

5:51 AM რა არის "ნარცისიზმი"

არსებობს შეხედულება, რომ მაღალი თვითშეფასება ყოველთვის კარგია, თუმცა ეს სიმართლეს არ შეესაბამება. მაღალ თვითშეფასებასაც აქვს ცუდი მხარეები და ყველაზე არასასურველი გამოხატულებაა ნარცისიზმი.  ტერმინი ნარცისიზმი გამოიყენება ეგოიზმის, მედიდურობის და პატივმოყვარეობის პიროვნული თვისებების აღსაწერად. ეს ტერმინი ფროიდმა შემოიღო ნარცისის მიხედვით. ბერძნულ მითოლოგიაში ნარცისი იყო პათოლოგიურად ეგოცენტრული ახალგაზრდა კაცი, რომელსაც აუზში თავისი ანარეკლი შეუყვარდა. ნარცისიზმი თავისთავად გულისხმობს დიდ წარმოდგენას საკუთარ თავზე. ასეთ ადამიანს თავი სხვაზე უკეთესი ჰგონია, თვლიან რომ იმსახურებენ განსაკუთრებულ მოპყრობას. თუმცა, კლინიკური ფსიქოლოგები თვლიან, რომ ასეთი ეგოისტური ქცევის მიღმა ნარცისში იმალება დაუცველობის განცდა. ნარცისები და მაღალი თვითშეფასების მქონე ადამიანები განსხვავდებიან ერთმანეთისგან საზოგადოების მიმართ დამოკიდებულებაში. მაღალი თვითშეფასების მქონე ადამიანებს მოსწონთ საზოგადოების ყურადღება და შექება, მაშინ როცა ნარცისებს საერთოდ არ ანაღვლებთ მოსწონთ თუ არა. მათ უბრალოდ სჭირდებათ მუდამ აღტაცების ობიექტნი იყვნენ. რახან ასეთი მოლოდინები აქვთ საზოგადოების მხრიდან, საშინლად ბრაზდებიან როდესაც აკრიტიკებენ. ნარცისტებს იშვიათად ჰყავთ პარტნიორი. "რა არის მასში ისეთი რომ მე მომეწონოს" - ასეთია მათი განწყობა ურთიერთობის დაწყების წინ. ნარცისტები მიდრეკილნი არიან ღალატისკენ, თუ მეტად სასურველი ადამიანი შეამჩნიეს, მაშინვე მიატოვებენ იმჟამინდელ პარტნიორს და ახალ რომანს გააბამენ. ისინი მუდამ სხვის გამოყენებას ცდილობენ.

1 2 3 4 5 კატეგორია: სტატიები | ნანახია: 2625 | დაამატა: dep | ტეგები: მეტი, ნარცისი, სტატია, სიმპტომები, სტატიები, რა, ნარცისიზმი, თვისებები, გაიგე, არის | რეიტინგი: 5.0/2

მოიწონე სიახლე: გააზიარე სიახლე:

სულ კომენტარები: 0