რამდენიმე დღის წინ ქართველმა რეპერმა, MASTER–მა საინტერესო ახალი კლიპით მოხიბლა რეპის მოყვარულები და არა მარტო. მისი ვიდეო ერთ დღეში გახდა პოპულარული. საინტერესო თვითონ კლიპის იდეაა. მოქმედება McDonald's –ის დრაივთან ხდება, სადაც MASTER შეკვეთას გარეპვით აძლევს.
კლიპს დიდი გამოხმაურება მოყვა, თუმცა, როგორც თავად რეპერი აღნიშნავს, გამკრიტიკებელიც ბევრი იყო. პლაგიატშიც კი დასდეს ბრალი.

"ერთი ორმა დაწერა პლაგიატიაო. თან მაბრალებენ, რომ ვითომ რუსი რეპერის, კრიდისგან გადავიღე ეს იდეა. არადა პირველად ამერიკაში გარეპეს 8 წლის წინ ვიდეოც დევს. მერე ამ ვიდეოს მოყვა გამოხმაურება და დაახლოებით 26 ქვეყანაში გააკეთეს საკუთარ ენებზე, ხოლო თვითონ კრიდმა ახლახანს გააკეთა ვიდეო... უყვართ ჩვენებს დეზინფორმაციის გავრცელება. ეგ იმდენად არ მაინტერესებს რადგან არ შეესაბამება სიმართლეს. მე იდეა მომეწონა და გავაკეთე ჩემებურად... ეს როგორი თემაა იცი? ფეხბურთი გამოიგონეს ინგლისში და რახან მსოფლიო ათამაშდა ამ სპორტით ე.ი ყველანი პლაგიატები ყოფილან! არადა მე ვებრძვი პლაგიატს!"–თქვა Mediamall.ge- სთან საუბრისას რეპერმა.

მან ასევე აღნიშნა, რომ მსგავსი კლიპების შემქნელებისგან განსხვავებით საკუთარ მუსიკაზე გარეპა, ხოლო უმრავლესობა ცნობილ ჰიტებზე რეპავდა.

სხვათაშორის, სცენა McDonald's –თან დადგმული არ არის. ყველაფერი იმ მომენტში ხდებოდა. და რაც ყველაზე საინტერესოა, ოპერატორმაც ზუსტად გაიგო, თუ რა სურდა რეპერსა და მის მეგობრებს.
"მართლა შევუკვეთე საკვები, სხვა ვიდეოებში მე ვერსად ვერ ვნახე, რომ შეკვეთა მიეცათ. უკვეთავენ კი, მაგრამ იმდენად ისე ასრულებენ, რომ ვერც ასწრებს ოპერატორი შეკვეთის მიღებას, ამიტომ არ მოვახდინე ჩემი რეპის - ტექნიკის დემონსტრირება უბარლოდ მივეცი შეკვეთა რეპით და ამ გოგომ ზუსტად ზედმიწევნით ჩაიწერა.

კიდე ერთი ორგან დაიწერა, რომ ვეჯიბურგერი რითმისთვის ახსენაო, არადა მარტივი მიზეზი აქვს ამ ყველაფერს, მანქანაში მეჯდა ჩემი მეგობარი, მომღერალი აბი, რომელიც ხორცს არ ჭამს და აქედან გამომდინარე მისთვის შევუკვეთე ასე. ამ ყველაფერს დეტალებში იცი რატომ ვხსნი? იმიტომ, რომ არ მსიამოვნებს როდესაც თუნდაც ერთ ადამიანს მცდარი წარმოდგენა აქვს ჩემზე!"–განმარტა MASTER –მა.

Mediamall.ge გავაზობთ ოფიციალურ კლიპს რეპერ MASTER –ს კი წარმატებებს უსურვებს...

წყარო: www.mediamall.ge