სოციალურ ქსელში ერევანში შეიარაღებული ძალების მიერ პოლიციის შენობის აღების კადრები გავრცელდა.
ერებუნის რაიონში, შეიარაღებულმა პირებმა სომეხი ოპოზიციონერის გათავისუფლების მოთხოვნით, პოლიციისა და შინაგანი ჯარის შენობა დაიკავეს.
მედიასაშუალებების ინფორმაციით, ერთი ადამიანის სიცოცხლე ემსხვერპლა ერევანში, შეიარაღებული ჯგუფის მიერ პოლიციის შენობის დაკავებას. ასევე ვრცელდება ინფორმაცია, დაშავებულების შესახებ. ზოგიერთი ადგილობრივი მედიასაშუალების ინფორმაციით, მძევლად აიყვანეს ერევნის პოლიციის უფროსის მოადგილე ვალერი ოსიპიანი. შენობასთან იმყოფება სომხეთის პოლიციის უფროსი ვლადიმერ გასპარიანი. ადგილზე მობილიზებული არიან სამხედროები.
პოლიციის შენობაში შეჭრილი ადამიანები 20 ივნისს დაკავებული სომეხი ოპოზიციონერის ჟირაის სეფილიანის გათავისუფლებას ითხოვენ. გამოძიების ინფორმაციით, სეფელიანი შეიარაღებულ დაჯგუფებასთან ერთად აპირებდა შენობების, ტელეკომუნიკაციების, მათ შორის, ერევნის სატელევიზიო ანძის დაკავებას.
მათივე ცნობით, დანაშაულებრივი ჯგუფი გეგმავდა ყარაბაღის კონფლიქტის ზონაში ვითარების ესკალაციას პროვოკაციების გზით.
წყარო: http://kvira.ge/
|
Lari Exchange Rate