100-მდე მძევალია აყვანილი პარიზის თეატრის შენობაში.  ამის შესახებ ინფორმაციას BBC ავრცელებს. უკვე ცნობილია ტერაქტების სერიის  შედეგად გარდაცვლილთა სავარაუდო რიცხვი.  საფრანგეთის დედაქალაქის სხვადასხვა ტერირორიაზე განხორციელებულ სროლას და აფეთქებებს  დაახლოებით 35 ადამიანი ემსხვერპლა.
არსებული ინფორმაციით, სროლა საკონცერტო დარბაზში კალიფორნიული ჯგუფის – Eagles of Death Metal-ის კონცერტის დაწყებიდან ერთ საათში გაისმა.
უცხოური მედია თავდამსხმელების რიცხვის შესახებ განსხვავებულ ინფორმაციას ავრცელებს. ზოგოერთი მედიასაშუალების ინფორმაციით, ტერაქტში  5-6 პირი მონაწილეობდა.
ერთ-ერთმა თვითმხილველმა ჟურნალისტებს განუცხადა, რომ ბოროტმოქმედები სირიის შესახებ საუბრობდნენ.
ამ შემთხვევამდე ცოტა ხნით ადრე, ათობით ადამიანი გარდაიცვალა  “Stade de France”-ს სტადიონზე  გერმანიასა და საფრანგეთის გუნდებს შორის ამხანაგური მატჩის მიმდინარეობის დროს. არსებული ინფორმაციით, მატჩს  საფრანგეთის პრეზიდენტი ფანსუა ოლანდი,  ასევე საფრანგეთის და გერმანიის შს მინისტრები ესწრებოდნენ.  შემთხვევის შემდეგ პრეზიდენტის და მაღალჩინოსნების ევაკუაცია განხორციელდა. ოლანდმა კი, საგანგებო თათბირი მოიწვია.
ამ ფაქტებამდე ცოტა უფრო ადრე,  პარიზში, მეათე ოლქში უცნობმა პირმა კალაშნიკოვის ტიპის იარაღიდან ერთ-ერთი რესტორნის მიმართულებით ცეცხლი გახსნა. შემთხვევის შედეგად გარდაცვლილთა ზუსტი ციფრი ამ დროისთვის უცნობია.

წყარო: http://kvira.ge/