კათოლიკურმა ეკლესიამ რომის ყოფილი პაპები იოანე პავლე II და ჯონ XXIII წმინდანებად შერაცხა.

საინტერესოა, რა ეტაპების გავლაა საჭირო იმისთვის, რომ კონკრეტული პირი წმინდანად აღიარონ?

საეკლესიო წესების თანახმად, ამისთვის გარდაცვალებიდან მინიმუმ 5 წელი უნდა იყოს გასული. ამ პერიოდის განმავლობაში მისი ცხოვრების ყველა ეპიზოდი ობიექტურად უნდა შეფასდეს.

დროის ფაქტორიდან გამომდინარე, არსებობს გამონაკლისი შემთხვევებიც. მაგალითად, თუ ბედეს წმინდანად შერაცხვისთვის კათოლიკურ სამყაროს 1164 წელი დასჭირდა, დედა ტერეზა წმინდანად იოანე პავლე II-მ გარდაცვალებიდან 2 წელიწადში შერაცხა.

თუმცა, როგორც წესი, პირველი ხუთი წელი ეპისკოპოსი და ეპარქია, სადაც ის ადამიანი გარდაიცვალა, რომლის წმინდანად შერაცხვა სურთ, ამ ადამიანი პირადი ცხოვრებას, საქციელს, ხასიათს, სასულიერო ცხოვრებას და ყველაზე უმნიშვნელო დეტალსაც კი ობიექტურად და საფუძვლიანად იკვლევენ.

მტკიცებულებების მოპოვების შემდეგ, ეპისკოპოსი მიმართავს სპეციალურ ჯგუფს, რომელიც საქმეს სწავლობს. თუ მან რეკომენდაციები გასცა, პირის წმინდანად შერაცხვის პროცესი უკვე დღის წესრიგში დგება. ამ შემთხვევაში მას „ღვთის მსახურს“ უწოდებენ. დადებითი რეკომენდაციების შემთხვევაში ეს საქმე პაპს გადაეცემა. პაპი თუ გადაწყვეტს, რომ ადამიანს სათნოებით და ღირსეულად უცხოვრია, მას „ღირსის“ ტიტულს ანიჭებენ.

რომის პაპები პავლე VI, პიუს XII-ე, ირლანდიელი მონაზონი დედა ეკატერინე მაკოლი და შოტლანდიელი მარგარეტ სინქლერი ამ ტიტულს ატარებდნენ.

შემდეგ ეტაპზე ამ ადამიანის სახელს სასწაული უნდა უკავშირდებოდეს, როგორც ეს იოანე პავლე II-ს შემთხვევაში იყო. ვატიკანის ექსპერტებმა ერთი ფაქტი შეისწავლეს, რომლის მიხედვითაც პარკისონით დაავადებული მონაზონი იოანე პავლე II-ს სთხოვდა, მისთვის უფალთან ეშუამდგომლა. ამ შემთხვევის შემდეგ ექიმებმა განაცხადეს, რომ მონაზონი სრულიად ჯანმრთელი იყო და ამ ფაქტს ლოგიკური ახსნა ვერ მოუძებნეს.

სასწაულის შემთხვევაში, პირს „კურთხეულის“ წოდებას ანიჭებენ.

წმინდანას შერაცხვის ბოლო ეტაპი კანონიზაციაა. აუცილებელია მის სახელს კიდევ ერთი სასწაული უკავშირდებოდეს. იოანე პავლე II-ს მეორე სასწაული ტვინის სერიოზული დაავადების მქონე კოსტა-რიკელ ქალბატონს უკავშირდება, რომელიც იოანე პავლე II-ს სახელზე წაკითხული ლოცვის შემდეგ განიკურნა.

იოანე პავლე II და ჯონ XXIII-ის წმინდანად შერაცხვის მესას რომში ათი ათასობით მორწმუნე დაესწრო. რომის პაპმა იოანე პავლე II და ჯონ XXIII-ის ცხოვრების ისტორიები წაიკითხა და ლათინურ ენაზე საგალობელი იგალობა. საეკლესიო მესისთვის თვალყურის დევნება მოსახლეობას ქალაქში 17 ეკრანის საშუალებით შეეძლო.

ვატიკანმა იოანე პავლე II-სა და ჯონ XXIII-ზე მობილური აპლიკაციაც გამოუშვა.

წყარო: www.sazogadoeba.ge