ბილეფელდის უნივერსიტეტში ბიოლოგიურმა კვლევითმა ჯგუფმა ნოვატორული აღმოჩენა გააკეთა, რომელიც ცხადყოფს, რომ მცენარეებს შეუძლიათ სხვა მცენარეებისგან ალტერნატიული ენერგიის მოზიდვა. ამ აღმოჩენას დიდი მნიშვნელობა იმიტომ აქვს, რომ იგივეს დადასტურება ადამიანებზეც შეიძლება.
მცენარეებს სიცოცხლისთვის და განვითარებისთვის სინათლე და წყალი სჭირდებათ, ამ მხრივ არც ადამიანები არიან გამონაკლისი. ჩვენი ფიზიკური სხეულები ღრუბელივით იწოვს გარემოს, სწორედ ამით აიხსნება, რომ ზოგიერთი ადამიანი თავს კარგად ვერ გრძნობს იმ გარემოში, სადაც უამრავი ადამიანია თავმოყრილი და არის ინტერესთა და ემოციათა მრავალფეროვნება.
მცენარეები ფოტოსინთეზისთვის ნახშირორჟანგს, სინათლეს და წყალს იყენებენ. ექსპერიმენტებმა, რომელიც მიკროსკოპულად პატარა წყალმცენარე Chlamydomonas reinhardtii-ზე ჩატარდა, აჩვენეს, რომ როდესაც ეს მცენარე ენერგიის ნაკლებობას განიცდიდა, მას შეეძლო გადმოექაჩა მეზობელი მცენარის ცელულოზა და იგი გადაემუშავებინა თავის სასარგებლოდ. იგი მას ანაწევრებდა შაქრის უწვრილეს კომპონენტებად, რომელიც შემდგომ ენერგიად ტრანსფორმირდებოდა მცენარეში.
მომავალ წლებში, როდესაც ენერგიის შესწავლა უფრო განვითარდება, სავარაუდოდ, შესაძლებელი იქნება, ხელსაწყოებით დავაკვირდეთ, თუ როგორ ივსებს ადამიანი ნაკლული ენერგიის მარაგს სხვა ადამიანისგან (თანამოაზრე, მეგობარი, ოჯახის წევრი, კეთილგანწყობილი მოსაუბრე), ცხოველებთან და ბუნებასთან ურთიერთობით. ამიტომაა, რომ ბუნებაში გასვლა, ზღვასთან სიახლოვე, მცენარეების და ცხოველების შეხება სიხარულით და ენერგიით გვავსებს. ჩვენ ხშირად ვგრძნობთ ასეთი დასვენების აუცილებლობას. თუმცა ამ აღმოჩენაში მეტაფიზიკოსებისთვის ახალი ნამდვილად არაფერი იქნება, მათ ყოველთვის იცოდნენ, რომ ადამიანებს ენერგიის გადაცემით ერთმანეთის განკურნება შეუძლიათ.

მოამზადა ნინო ბანძელაძემ

წყარო: www.universi.ge