ძაღლები ადამიანის გვერდით ათასობით წლის განმავლობაში ცხოვრობდნენ. მართალია, დიდი ხნის წინ მცხოვრები ამ ცხოველების ჯიშების გარეგნობაზე ვერ ვიმსჯელებთ, თუმცა ჩვენთვის საკმაოდ ადვილია ისინი იმ ძაღლებს შევუდაროთ, რომლებიც 100 წლის წინ ბინადრობდნენ.

ინგლისური ბულდოგი

ეს ძაღლი უფრო მასიური გახდა. გულ-მკერდი გაუფართოვდა, ფეხები დაუმოკლდა, სახე გაუბრტყელდა, კანი კი უფრო ჩამოკიდებული გაუხდა. სამწუხაროდ, თანამედროვე ბულდოგებს ჯანმრთელობის პრობლემები აწუხებთ, მათი სიცოცხლის საშუალო ხანგრძლივობა 6 წელია.

ბასეტ-ჰაუნდი

ბასეტ-ჰაუნდს ტანი დაუდაბლდა, უკანა ფეხები დაუმოკლდა, ყურები კი დაუგრძელდა. სახე, ფეხების მსგავსად, დამოკლებული აქვს, კანს კი უფრო მეტი ნაკეცი გაუჩნდა.

ბოქსიორი

ბოქსიორებს ახლა უფრო მოკლე და ამოტრიალებული სახე აქვთ, სხეულის პროპორციებიც ოდნავაა შეცვლილი.

ბულტერიერი

დღესდღეობით, ამ ძაღლებს განსხვავებული ფორმის თავის ქალა აქვთ: სახე დაუმოკლდათ, ყბები გაუფართოვდათ, სხეული კი დაუდაბლდათ და მასიური გაუხდათ.

უესტ-ჰაილენდ-უაიტ-ტერიერი

მათ ბეწვი დაუგრძელდათ და გაუხშირდათ.

დობერმანი

ეს ძაღლები უფრო მსუბუქები გახდნენ და ისეთი აგრესიულები აღარ არიან, როგორებიც წლების წინ იყვნენ.

ირლანდიური სეტერი

ეს ჯიში 150 წლის მანძილზე არ შეცვლილა(შავ-თეთრი ფოტო 1879 წელსაა გადაღებული). განსხვავება მხოლოდ ისაა, რომ ირლანდიური სეტერი ახლა ოდნავ გამხდარია და უფრო გრძელი და ხშირი ბეწვი აქვს. 

გერმანული ნაგაზი

გერმანული ნაგაზი უფრო დაგრძელდა, ბეწვიც დაუგრძელდა და გაუხშირდა; შეეცვალა ჩონჩხიც: გავა დაუდაბლდა და მკერდი გაუფართოვდა.

როტვეილერი

თანამედროვე როტვეილერები შავი ფერის არიან და სახეზე, ლოყებზე, თვალებ ქვეშ, მკერდის ქვედა ნაწილში და ფეხებზე კარგად გამოკვეთილი, მოწითალო-მოყავისფრო ფერის ლაქები აქვთ, ბეწვი უფრო გაუუხეშდათ და კუდსაც აღარ აჭრიან.

სალუკი

სალუკი უფრო გამაღლდა და გახდა. ამ ჯიშს დღესდღეობით ძალიან გრძელი ფეხები და ყურები აქვს.

ტაქსა

ამ ჯიშის ძაღლებს უფრო გრძელი სხეული, ოდნავ ფართო მკერდი და გაცილებით მოკლე უკანა ფეხები აქვთ.

ერდელტერიერი

ეს ჯიში თითქმის არ შეცვლილა, იმას თუ არ ჩავთვლით, რომ უფრო „გაჩეჩილი“ გახდა და სახეც უფრო დაუგრძელდა.

წყარო: www.sazogadoeba.ge