დატკბით დეკემბრით, რადგან ეს ამ პლანეტის უკანასკნელი თვე იქნება! პლანეტა "ნიბირუ", რომელიც ასევე პლანეტა იქსისსახელით არის ცნობილი, ჩვენს მზის სისტემაში შემოიჭრება, - ამის შესახებ "ინტერნეტ კონსპირაციის" წარმომადგენლები აცხადებენ. ისინი ამტიცებენ, რომ ეს პლანეტის უკანასკნელი თვეა და აღსასრული ახლოსაა. 
დაუზუსტებელი ცნობებით, ნიბირუ დედამიწაზე 4-დან 10-ჯერ უფრო დიდია. მკვლევართა გარკვეული ნაწილი ამტკიცებს, რომ ნიბირუ 100 000 წელიწადში ერთხელ მზის სისტემაში იჭრება და დედამიწას საფრთხეს უქმნის. ის ნეპტუნსა და მარსს შორის დგება. 
საიტზე ZetaTalk, რომელიც ვისკონსინის შტატის მკვიდრმა ნენსი ლიდერმა დააარსა, ხშირად არის პლანეტა დედამიწის საფრთხეების შესახებ განხილვა. თავად ნენსი ლიდერი კი ამტკიცებს, რომ უცხოპლანეტელებთან დაამყარა კონტაქტი და სწორედ ისინი აფრთხილებენ მოსალოდნელი კატასტროფის თაობაზე.
ამ თეორიის მიმდევრები აპოკალიფსს 2003, 2007, 2013 და 2015 წლებშიც პროგნოზირებდნენ, მაგრამ როგორც ვხედავთ, არაფერი მომხდარა. მეცნიერთა უმეტესობა კი ნიბირუს საფრთხის მატარებლად საერთოდ არ განიხილავს. 
იმ შემთხვევაში თუ ნიბირუ დედამიწას მოუახლოვდება, ის შეუიარაღებელი თვალითაც გამოჩნდება. იმის გათვალისწინებით, რომ პლანეტა იქსი დედამიწას მინიმუმ 4ჯერ აღემატება, მისი მასიდან გამომდინარე, ის სხვა პლანეტებზე ორბიტების შეცვლას გამოიწვევს, ხოლო დედამიწას მაგნიტურ ველს მთლიანად "წაართმევს". შესაბამისად, ცისფერ პლანეტას ჟანგბადი აღარ ექნება. 
შეთქმულების თეორიის მომხრეები ასევე ამტკიცებენ, რომ ნიბირუ ამ ეტაპზე იმ მარტივი მიზეზის გამო არ ჩანს, რომ ის მზის უკანა მხარეს მდებარეობს. თუმცა ასტროფიზიკოსები ამას გამორიცხავენ. 
მოსახლეობა დიდი ხანია მიეჩვია, რომ დეკებრის დადგომისთანავე, ყოველ ახალ წელს ვიღაც აუცილებლად საუბრობს აპოკალიფსის შესახებ. ამიტომ, არ ღირს გუნების გაფუჭება "მოყვარული ასტროფიზიკოსების" აპოკალიფსური წინასწარმეტყველებებით.

წყარო: http://news.vitube.ge/